රනිල් විරෝධීන් සහ කැරලි!

රනිල් විරෝධීන් දැන් ආයෙත් එලි බැස ඇත. පලාත් පාලන ඡන්දය පැරදුනේ රනිල් නිසා බවත් ඉතාමත් ඉක්මනින්ම නායකත්වයේ වෙනසක් අවශ්‍ය බවත් මොවුන් කෑ ගසයි. තව ටික දවසකින් නැවතත් මේ උණුසුම අඩු වුනායින් පසුව රනිල් නායකත්වයේ සිටිනු ඇත. රනිල් එලවනු යයි කී වුන් රනිල් ගේ හොඳ කියනු ඇත.

මොකක්ද රහස? ඇත්තටම ඇයි රනිල් එලවන්න බැරි? මම හිතන විදිහට මෙතන රනිල් ට වඩා සුදුස්සෙක් නැහැ. ඒක තමයි රහස. මහින්ද ජනාධිපතිතුමා අනාගතය ගැන කිසිම බයක් සැකක් නැතුව පුටුවේ වාඩි වෙලා ඉන්නේ රනිල්ට ඒ තැන ගන්න බැරි බව දන්න නිසා. (ඒකට හේතුව රනිල්ගේ අදක්ෂකමට වඩා අපේ රටේ මිනිස්සුන්ගේ ඡන්දය දෙන සාම්ප්‍රදායික ක්‍රමය. කැපුවත් නිල්, කැපුවත් කොළ කියන ක්‍රමය නිසා) ඊටත් වඩා බය නැතුව ඉන්නේ රනිල් නැත්නම් ඒ තැන ගන්න වෙන කිසිම කෙනෙක් නැති බව හොඳින්ම දන්න නිසා. රනිල් ට ටිකක් බැහැලා වැඩ කළා නම් ඔය සජිත්, දයාසිරි, නැත්නම් රෝසි වගේ අයට යන එන මං නැති වෙනවා. ඒක දන්න නිසාම තමයි මෙ කට්ටිය රනිල් ට වැඩ බැහැ, රනිල්ව එලවන්න ඕන කියල කියන්නේ. රනිල් ගේ තියෙන උගත්කමත්, ජාත්‍යන්තර දේශපාලනය ගැන තියෙන් දැනුමත්, දේශපාලන කපටිකමත් තේරුම් ගන්න පුළුවන් මේ තරම් එපා කියද්දිත්, එලවන්න උත්සහ කරද්දිත් තවම නායකකමේ ඉන්න එකෙන්ම.

එහෙමනම් පුළුවන්කම තියෙද්දි රනිල් බැහැල වැඩ කරන්නේ නැත්තේ ඇයි ? මහින්ද ජනාධිපති තුමාට සටනක් දෙන්නේ නැත්තේ ඇයි? මම නම් හිතන විදිහට මේ දෙකම ධනපති පක්ෂ.රනිල් ගේ එක්සත් ජාතික පක්ෂයනම් පැහැදිලිවම ධනපති පක්ෂයක් විදිහට පෙනී ඉන්නවා. ඒ විදිහට ප්‍රතිපත්ති සකස් කරනවා සහ වැඩ කරනවා. රනිල් ගේ ප්‍රතිපත්තිය වෙන්නේ ජාත්‍යන්තරයට ගිය, විවෘත ආර්ථිකය මත සම්පූර්ණයෙන්ම පදනම් වුන රටක් විදිහට වැඩ කිරීම. ඒ වගේම මහින්දගේ නිදහස් පක්ෂයත්, පනස් හයේ ඇතිවුන දේශීය පුබුදුව, නැත්නම් දේශිය නායකත්වය සහ ඔය වෙනත් මොන මොන දේ කළත් කිව්වත් තනිකරම ධනපති පක්ෂයක් සහ විවෘත ආර්ථිකය පිළිගත්ත එකක්. එකම ප්‍රශ්ණය තියෙන්නේ රනිල් වගේ ඒ දේවල් ප්‍රසිද්ධියේ පිළිගන්නේ නැති එකයි. ඉතින් රනිල් උඩට ඇවිල්ලා මහින්දට සටනක් දෙන්නේ නැත්තේ, රනිල්ගේ ප්‍රතිපත්ති රනිල්ටත් වඩා හොඳට මහින්ද මහත්තයා ක්‍රියාත්මක කරන නිසා. විශේෂයෙන් ම ඇමරිකාව ප්‍රමුඛ බටහිර රටවල් වල මිතුරෙක් විදිහට රනිල්ව හැඳින්නුවත් ඒ රටවල් වලට ඕන රනිල්ව ජනාධිපති කරවන්න නෙමෙයි, ඒ රටවල් ආර්ථික සහ වෙනත් ප්‍රතිපත්ති අපි ලවා ක්‍රියාත්මක කරවා ගන්න. ඉතින් මහින්ද ජනාධිපති තුමා මේ වැඩේ මිනිස්සුන්ට කොළේ වහලා රනිල්ටත් වඩා හොඳින් කරන නිසා ඒ රටවලට රනිල්ව ජනාධිපති කරවන්න උවමනාවක් නැහැ. රනිල් මේක හොඳට දන්න නිසා තමයි දැන් බොරුවට මහින්දව එලවන්න ට්‍රයි කරන්නේ නැත්තේ. රනිල් බලාගෙන ඉන්නේ අවස්ථාව එනකම්. කවදාහරි, කොහේදිහරි මහින්ද මහත්තයා බටහිරට විරුද්ධ වෙලා ඒ රටවල් තරහ කරගත්ත දවසට අපේ මිනිස්සුන්ට තේරෙයි රනිල් ගේ කල් මැරිල්ලේ තේරුම. මහින්ද ජනාධිපති තුමාත් මේක දන්නවා, ඒ නිසා තමයි මොන ප්‍රශ්න ආවත් රනිල්ට නායකත්වයේ ඉන්න උදව් කරන්නේ. නැතුව රනිල් ඉන්නකම් පක්ෂය පරදින නිසා ඒ වාසිය ගන්න කියන බොළඳ හේතුව නිසා නෙවෙයි. කවදාහරි තදින්ම බටහිර බලපෑමක් ආවොත් රනිල්ගේ උදව්ව රට වෙනුවෙන් මහින්දට ලැබෙන බව මහින්ද දන්නවා.

රනිල්, මහින්ද එක්ක තරඟකරපු පලවෙනි ජනාධිපතිවරණය මහින්ද ජනාධිපතිවුනේ යන්තමින්. ඉතාමත් සුළු ඡන්ද ගාණකින් තමයි මහින්ද ඉදිරියට ආවේ. කාටත් මතක ඇති තිබුණ තරඟය. දෙවනි ජනාධිපතිවරණය පැරදුනේ රනිල්ගේ අදක්ෂකමෙන් කියලා කියන්න දැන් බැහැ. හේතුව ජනාධිපතිවරණයට ඉදිරිපත් වුනේ සරත් ෆොන්සේකා. ඊට පස්සේ ආපු ගොඩක් ඡන්ද ප්‍රාදේශීය සහ පළාත් සභා. ඒව පැරදුනේ සියයට සියයක්ම රනිල්ගේ අදක්ෂකමෙන් කියන්න පුළුවන්ද. මම නම් කියන්නේ ඒවා පැරදුනේ ඒ ඒ ආයතන වලට තරඟ කරපු අයගේ අදක්ෂකම නිසා. ඒ අයට තරඟකාරීව ඉදිරිපත් වෙන්න බැරි වුන නිසා. නැත්නම් රනිල් ඒ තැන් වලට ගිහිල්ලා ඒ අයට ඡන්ද අරන් දෙන්නද? අපි හිතමු ඇත්තටම නායකත්වය දුර්වලයි නැත්නම් කිසිම උදව්වක් නැහැ කියලා, ඒත් අපේක්ෂකයා හොඳ නම් තරඟකාරී නම් දිනන්න බැරි නැහැ. හොඳම උදාහරණය තමයි මහින්ද මහත්තයා පලවෙනි පාරට ජනාධිපති වුන අවස්ථාව. එදා තමන්ගෙම පක්ෂෙ අය කකුලෙන් අදිද්දි මහින්ද තනියම ගේම දීලා දින්නා.

මේ අය කියන විදිහට රනිල් අදක්ෂනම් ඇත්තටම රනිල් එලවන්න පුළුවන්නේ? ඇයි බලාගෙන ඉන්නේ. පක්ෂ ව්‍යවස්ථාවෙ තියෙන ඒකාධිපති විදිහ නිසා කිය කිය බොරුවට ඉන්නේ ඇයි. ව්‍යවස්ථාව ඒකාධිපතිනම් ඇයි රනිල්ට බල කරලා බැරි නම් උද්ගෝෂණය කරලා හරි බැරිනම් බලෙන් හරි ඒක වෙනස් කර ගන්නේ නැත්තේ? හේතුව රනිල්ගේ තියෙන දේශපාලන දැනුම ඒ පක්ෂයේ වෙන කිසිම කෙනෙකුට නැහැ.

අපි කොච්චර කිව්වත් ශක්තිමත් විපක්ෂ නායක කෙනෙක් නැහැ, ඒක තමයි මහින්ද හිතුමතේට වැඩ කරන්නේ කියලා, මම නම් හිතන්නේ මහින්දට ලැබිලා තියෙන්නේ මෑත ඉතිහාසයේ හිටපු ශක්තිමත්ම සහ දේශපාලන බුද්ධිය අතින් පරිනතම විපක්ෂ නායක කෙනෙක්. ගහට ගහක් සහ කරට කරක්! ඉදිරියට බලාගමු මේ දෙන්නගේ සටන!

රනිල් විරෝධීන් දැන් ආයෙත් එලි බැස ඇත!

රනිල් විරෝධීන් දැන් ආයෙත් එලි බැස ඇත. පලාත් පාලන ඡන්දය පැරදුනේ රනිල් නිසා බවත් ඉතාමත් ඉක්මනින්ම නායකත්වයේ වෙනසක් අවශ්‍ය බවත් මොවුන් කෑ ගසයි. තව ටික දවසකින් නැවතත් මේ උණුසුම අඩු වුනායින් පසුව රනිල් නායකත්වයේ සිටිනු ඇත. රනිල් එලවනු යයි කී වුන් රනිල් ගේ හොඳ කියනු ඇත.

මොකක්ද රහස? ඇත්තටම ඇයි රනිල් එලවන්න බැරි? මම හිතන විදිහට මෙතන රනිල් ට වඩා සුදුස්සෙක් නැහැ. ඒක තමයි රහස. මහින්ද ජනාධිපතිතුමා අනාගතය ගැන කිසිම බයක් සැකක් නැතුව පුටුවේ වාඩි වෙලා ඉන්නේ රනිල්ට ඒ තැන ගන්න බැරි බව දන්න නිසා. (ඒකට හේතුව රනිල්ගේ අදක්ෂකමට වඩා අපේ රටේ මිනිස්සුන්ගේ ඡන්දය දෙන සාම්ප්‍රදායික ක්‍රමය. කැපුවත් නිල්, කැපුවත් කොළ කියන ක්‍රමය නිසා) ඊටත් වඩා බය නැතුව ඉන්නේ රනිල් නැත්නම් ඒ තැන ගන්න වෙන කිසිම කෙනෙක් නැති බව හොඳින්ම දන්න නිසා. රනිල් ට ටිකක් බැහැලා වැඩ කළා නම් ඔය සජිත්, දයාසිරි, නැත්නම් රෝසි වගේ අයට යන එන මං නැති වෙනවා. ඒක දන්න නිසාම තමයි මෙ කට්ටිය රනිල් ට වැඩ බැහැ, රනිල්ව එලවන්න ඕන කියල කියන්නේ. රනිල් ගේ තියෙන උගත්කමත්, ජාත්‍යන්තර දේශපාලනය ගැන තියෙන් දැනුමත්, දේශපාලන කපටිකමත් තේරුම් ගන්න පුළුවන් මේ තරම් එපා කියද්දිත්, එලවන්න උත්සහ කරද්දිත් තවම නායකකමේ ඉන්න එකෙන්ම.

එහෙමනම් පුළුවන්කම තියෙද්දි රනිල් බැහැල වැඩ කරන්නේ නැත්තේ ඇයි ? මහින්ද ජනාධිපති තුමාට සටනක් දෙන්නේ නැත්තේ ඇයි? මම නම් හිතන විදිහට මේ දෙකම ධනපති පක්ෂ.රනිල් ගේ එක්සත් ජාතික පක්ෂයනම් පැහැදිලිවම ධනපති පක්ෂයක් විදිහට පෙනී ඉන්නවා. ඒ විදිහට ප්‍රතිපත්ති සකස් කරනවා සහ වැඩ කරනවා. රනිල් ගේ ප්‍රතිපත්තිය වෙන්නේ ජාත්‍යන්තරයට ගිය, විවෘත ආර්ථිකය මත සම්පූර්ණයෙන්ම පදනම් වුන රටක් විදිහට වැඩ කිරීම. ඒ වගේම මහින්දගේ නිදහස් පක්ෂයත්, පනස් හයේ ඇතිවුන දේශීය පුබුදුව, නැත්නම් දේශිය නායකත්වය සහ ඔය වෙනත් මොන මොන දේ කළත් කිව්වත් තනිකරම ධනපති පක්ෂයක් සහ විවෘත ආර්ථිකය පිළිගත්ත එකක්. එකම ප්‍රශ්ණය තියෙන්නේ රනිල් වගේ ඒ දේවල් ප්‍රසිද්ධියේ පිළිගන්නේ නැති එකයි. ඉතින් රනිල් උඩට ඇවිල්ලා මහින්දට සටනක් දෙන්නේ නැත්තේ, රනිල්ගේ ප්‍රතිපත්ති රනිල්ටත් වඩා හොඳට මහින්ද මහත්තයා ක්‍රියාත්මක කරන නිසා. විශේෂයෙන් ම ඇමරිකාව ප්‍රමුඛ බටහිර රටවල් වල මිතුරෙක් විදිහට රනිල්ව හැඳින්නුවත් ඒ රටවල් වලට ඕන රනිල්ව ජනාධිපති කරවන්න නෙමෙයි, ඒ රටවල් ආර්ථික සහ වෙනත් ප්‍රතිපත්ති අපි ලවා ක්‍රියාත්මක කරවා ගන්න. ඉතින් මහින්ද ජනාධිපති තුමා මේ වැඩේ මිනිස්සුන්ට කොළේ වහලා රනිල්ටත් වඩා හොඳින් කරන නිසා ඒ රටවලට රනිල්ව ජනාධිපති කරවන්න උවමනාවක් නැහැ. රනිල් මේක හොඳට දන්න නිසා තමයි දැන් බොරුවට මහින්දව එලවන්න ට්‍රයි කරන්නේ නැත්තේ. රනිල් බලාගෙන ඉන්නේ අවස්ථාව එනකම්. කවදාහරි, කොහේදිහරි මහින්ද මහත්තයා බටහිරට විරුද්ධ වෙලා ඒ රටවල් තරහ කරගත්ත දවසට අපේ මිනිස්සුන්ට තේරෙයි රනිල් ගේ කල් මැරිල්ලේ තේරුම. මහින්ද ජනාධිපති තුමාත් මේක දන්නවා, ඒ නිසා තමයි මොන ප්‍රශ්න ආවත් රනිල්ට නායකත්වයේ ඉන්න උදව් කරන්නේ. නැතුව රනිල් ඉන්නකම් පක්ෂය පරදින නිසා ඒ වාසිය ගන්න කියන බොළඳ හේතුව නිසා නෙවෙයි. කවදාහරි තදින්ම බටහිර බලපෑමක් ආවොත් රනිල්ගේ උදව්ව රට වෙනුවෙන් මහින්දට ලැබෙන බව මහින්ද දන්නවා.

රනිල්, මහින්ද එක්ක තරඟකරපු පලවෙනි ජනාධිපතිවරණය මහින්ද ජනාධිපතිවුනේ යන්තමින්. ඉතාමත් සුළු ඡන්ද ගාණකින් තමයි මහින්ද ඉදිරියට ආවේ. කාටත් මතක ඇති තිබුණ තරඟය. දෙවනි ජනාධිපතිවරණය පැරදුනේ රනිල්ගේ අදක්ෂකමෙන් කියලා කියන්න දැන් බැහැ. හේතුව ජනාධිපතිවරණයට ඉදිරිපත් වුනේ සරත් ෆොන්සේකා. ඊට පස්සේ ආපු ගොඩක් ඡන්ද ප්‍රාදේශීය සහ පළාත් සභා. ඒව පැරදුනේ සියයට සියයක්ම රනිල්ගේ අදක්ෂකමෙන් කියන්න පුළුවන්ද. මම නම් කියන්නේ ඒවා පැරදුනේ ඒ ඒ ආයතන වලට තරඟ කරපු අයගේ අදක්ෂකම නිසා. ඒ අයට තරඟකාරීව ඉදිරිපත් වෙන්න බැරි වුන නිසා. නැත්නම් රනිල් ඒ තැන් වලට ගිහිල්ලා ඒ අයට ඡන්ද අරන් දෙන්නද? අපි හිතමු ඇත්තටම නායකත්වය දුර්වලයි නැත්නම් කිසිම උදව්වක් නැහැ කියලා, ඒත් අපේක්ෂකයා හොඳ නම් තරඟකාරී නම් දිනන්න බැරි නැහැ. හොඳම උදාහරණය තමයි මහින්ද මහත්තයා පලවෙනි පාරට ජනාධිපති වුන අවස්ථාව. එදා තමන්ගෙම පක්ෂෙ අය කකුලෙන් අදිද්දි මහින්ද තනියම ගේම දීලා දින්නා.

මේ අය කියන විදිහට රනිල් අදක්ෂනම් ඇත්තටම රනිල් එලවන්න පුළුවන්නේ? ඇයි බලාගෙන ඉන්නේ. පක්ෂ ව්‍යවස්ථාවෙ තියෙන ඒකාධිපති විදිහ නිසා කිය කිය බොරුවට ඉන්නේ ඇයි. ව්‍යවස්ථාව ඒකාධිපතිනම් ඇයි රනිල්ට බල කරලා බැරි නම් උද්ගෝෂණය කරලා හරි බැරිනම් බලෙන් හරි ඒක වෙනස් කර ගන්නේ නැත්තේ? හේතුව රනිල්ගේ තියෙන දේශපාලන දැනුම ඒ පක්ෂයේ වෙන කිසිම කෙනෙකුට නැහැ.

අපි කොච්චර කිව්වත් ශක්තිමත් විපක්ෂ නායක කෙනෙක් නැහැ, ඒක තමයි මහින්ද හිතුමතේට වැඩ කරන්නේ කියලා, මම නම් හිතන්නේ මහින්දට ලැබිලා තියෙන්නේ මෑත ඉතිහාසයේ හිටපු ශක්තිමත්ම සහ දේශපාලන බුද්ධිය අතින් පරිනතම විපක්ෂ නායක කෙනෙක්. ගහට ගහක් සහ කරට කරක්! ඉදිරියට බලාගමු මේ දෙන්නගේ සටන!

සම්බුද්ධ ජයන්තියට පිළිවෙතින් පෙළ ගැසීම?

_50361990_000899799-1

5739728900_db942e551b

 

 

 

 

 

 

 

 

සම්බුද්ධ ජයන්තියට පිළිවෙතින් පෙළ ගැසීම, වෙසක් නිමිත්තෙන් සියලු ආකාරයේ වත් පිළීවෙත් කිරීම හා ආලෝක පූජා අවසන් විය. ලක්ෂ ගණනින් නොව මිලියන් ගනනින් වියදම් කර ජාතික හා ජාතික නොවන ආදී මෙකී නොකී උත්සව පවත්වන ලදී.

 

මහා පරිමාණ දන්සල් පැවැත්වුනේ මුළු රටටම ඇසෙන හා දැනෙන ආකාරයටයි. කාර්, වෑන්, ප්‍රාඩෝ, මොන්ටෙරෝ සහ තවත් නා නා විධ වාහනවලින් පැමිණි බුද්ධාලම්බන ප්‍රීතියෙන් වැඩී ගිය ජනතාව ඒවායින් කා බී ගියහ. දුප්පත් අසරණ මිනිසුන්ට මේ දන්සල් වල පෝලීමේ සිටගෙන සිටීමට පවා අවසර ලැබුනේ නැත. ඒ ඔවුන් කිලිටි නිසා ය නැතහොත් වැදගත් මිනිසුන් සිටින තැන්වලට ඔවුන් නුසුදුසු නිසාය. බොහෝ විට ඔවුන්ට ලැබුණේ දන්සල් අහවර වී ඉතිරි වූ ආහාරයි. නැතිනම් කන්නට බැරි තරමට බෙදාගෙන ඉතිරි වී විසි කරන ආහාරයි. ඹවුනගේ  කුඩා දරුවන්ගේ බඩවල් විශාල වී තිබුණේ අධික ලෙස ආහාර ගැනීම නිසා නොව මන්දපෝෂණයෙන නිසායි.

 

මුදලාලිලා අවුරුද්දක් පුරාම ජනතාව සූරා කා ඉතිරි කරගත් මුදලින් අතිශය සොච්චමක් වැය කර පින් රැස් කර ගන්නා ලදී. එම තොරන් වලට ආධාර නොලැබෙන විට තොරන් ඉදි කරන්නේ ඇඟේ අමාරුවට නොවන බවත් ආධාර අවශ්‍ය බවත් නිර්ලජ්ජිතව පවසා ආධාර හිඟා කෑමද ජයටම කරන ලදී.

 

වීදි දරුවන් ලක්ෂ ගණනින් සිටිනා රටක, වේලක් කෑ පසු ඊළඟ වේල කවදා ලැබෙයිදෝ නොදන්නා දුප්පතුන් සිටිනා රටක, බඩගින්නට හඬනා දරුවාට අවශ්‍ය කිරි ටික, කෑම ටික දෙන්නට නොහැකිව දරුවන් ගඟට විසි කරනා රටක. දරුවන්ගේ අවශ්‍යතා සපුරන්නට මුදල් නොමැතිව දරුවන්ටත් වස පොවා තමනුත් වස බී මියයන අම්මලා සිටින රටක, මේ සම්බුද්ධ ජයන්ති උත්සව පවත්වන්නේ කා සඳහාද?

 

මේ උත්සව සඳහා වැය කළ අති විශාල මුදලින් දුප්පත් පවුල් කීයක් නම් බඩගින්නෙන් මුදවන්නට හැකියාව තිබුණීද? බඩගින්නේ හඬන කිරි කැටියන් කී දාහකගේ බඩගින්න නිවන්නට කිරි බිඳක් ලබා දෙන්නට හැකියාව තිබුණිද? හිසට සෙවනක් නොමැතිව වීදී වල රැය ගතකරන දරුපැටියන් කී දාහකට කුඩා නිවසක් හෝ තනා දෙන්නට හැකියාව තිබුණිද? කුළුදුල් දරු ප්‍රසූතියට සුදානම් වන දුප්පත් අම්මලා කී දාහක් මන්දපෝෂණයෙන් මුදවාගන්නට හැකියාව තිබුණිද? ඒ අම්මලාට රෝහලින් රැගෙන එන්නට යයි කියන නා නා විධ ඇඳුම් පැළදුම්, හා වෙනත් දේ ගන්නට නොහැකිව තැවෙන් තාත්තලා කී දාහකගේ සිත් නිවන්නට තිබුණිද?

 

මිනිසුන් වන අප මොහොතකට සිතිය යුත්තේ මේ ගැන බව මගේ හැඟීමයි.

 

පහත රූප පෙළ බලන්න………., මේ අපේම මිනිසුන් නොවේද?

 

  1-1235992500-child-beggars-1   

 

 

 

 

 

 

 

 

 

 

 

1fe604a403661304db13f3d989e3_grande

 

 

 

 

 

 

 

 

 

 

pd215992

 

 

 

 

 

 

 

 

thailand-child-beggars-007

මත්පැන් හා සිගරට් පාවිච්චි කර අසනීප වූවන්ට රජයේ රෝහල්වලින් ප්‍රතිකාර කිරීමේදී ගාස්තුවක් අය කිරීමේ අයිතිය රජයට තිබේද?

මත්පැන් හා සිගරට් පාවිච්චි කර අසනීප වූවන්ට රජයේ රෝහල්වලින් ප්‍රතිකාර කිරීමේදී ගාස්තුවක් අය කරන බව මීට ටික දිනකට පෙර රජය විසින් ප්‍රකාශ කරන ලදී. මීය හේතුව තමන් විහින් අසනීප වන්නන් ට නොමිලේ ප්‍රතිකාර කිරීමට ආණ්ඩුවට උවමනාවක් නැති බවත් ඒ මගින් මහජන මුදල් විනාශ වන බවත්ය.

කෙසේ නමුත් රජයට අමතක වී ඇති එක් කරුණක් වන්නේ රජයේ ආදායම් වලින් විශාල ප්‍රමාණයක් ලැබෙන්නේ මත්පැන් හා සිගරට් බදු වලින් බවයි. මේවා පාවිච්චියෙන් අසනීප වන්නන් ගේ හෙවත් මත්පැන් හා සිගරට් පරිභෝජනය කරන්නන්ගේ බදු මුදල් වලින් යම් කොටසක් හෝ රෝහල් පවත්වා ගෙන යාම සඳහාද වියදම් කරන බව අපගේ විශ්වාසයයි. එසේනම් ඔවුන්ටද රජයේ රෝහල් වලින් නොමිලේ ප්‍රතිකාර ගැනීමේ අයිතියක් ඇති බව අපි විශ්වාස කරන්නෙමු.

එසේ නොමැතිනම් රජය අවංකවම මේ ද්‍රව්‍ය වලින් බදු නොලබා සිටිය යුතුයි.

අවංකවම මේවා පාවිච්චිය අවම කර ජනතාව ඉන් මුදවා ගැනීම රජයේ අවශ්‍යතාවය නම් කෙලින්ම මත්පැන් හා සිගරට් තහනම් කළ යුතුය. නොමැතිව ඒවා අලෙවි කිරීමට බලපත්‍ර ලබා දෙන අතරම පරිභෝජනය කරන්නන්ට පහත් ආකාරයෙන් සැලකීම මහජනතාවගේ අයිතිවාසිකම් පැහැර හැරීමකි.

එකෝමත් එක රටක වරායක් හැදුවාලු……..!

එකෝමත් එක රටක රජයක් තිබුණාලු. මේ රජය සංවර්ධනය ගැන ලොකු උනන්දුවකින් වැඩ කළාලු. දේශීය තාක්ෂණය සහ විශේෂඥ උපදෙස් ලබාගෙන පිරිවැය පුළුවන් තරම් අඩු කරගෙන රටේ දකුණු පැත්තේ වරායක් ඉදි කරාලු. මේ වරාය නිසා ඒ රටට ලොකු වාසියක් අත්වෙනවාලු.

වරාය හැදීමෙන් පසු විවෘත කරන්නට ලොකු උත්සවයකුත් පැවැත්තුවාලු. මේ උත්සවයේ උත්සව සංවිධාන කටයුතු කරන්නට පෞද්ගලික සමාගමකට පැවරුවාලු. මේ සමාගම අටවා ගත්තේ ඒ උත්සවයේ සංවිධාන කටයුතු වෙනුවෙන්මලු. ඒ සමාගමේ නිල නොවන අයිතිකාරයා මහ රජතුමාට දෙවෙනි වරටත් රජවෙන්නට උදව් කළ ඉතිහාසය ගැන මහා ලොකුවට දන්නා මහා නළුවෙක්ලු. මේ උත්සවයේ නැටුම් ගැයුම් වැනි දේ සංවිධානය කරන්නට ලබා දුන්නේද ඉහත කී සමාගම මගින්ම එහි අධ්‍යක්ෂකගේ ඥාතියෙකුටලු. ලාභය කොයිතරම්ද කියනවානම් මේ වගේ තව එක උත්සවයක් සංවිධානය කළානම් ජීවිතේටම ආයෙත් රස්සාවක් කරන්නට ඕනෑ නැතිලු.

ඉතින් ඒ රටේ බස්නාහිර පැත්තේ වරායකත් විවෘත කිරීමේ උත්සවය සංවිධානය කිරීමේ අයිතිය ගැනීමට ඒ සමාගම වලි කනවාලු. මහජනතාවගේ මුදල්වලින් මේ කරනා නාස්තිය දෙයියන්ටවත් පේන්නේ නැද්ද කියලා ජයතාව කියනවාලු.

අගමැතිතුමා ඉල්ලා අස්වීමට පෙර තවත් කී දෙනෙක් ඉල්ලා අස්විය යුතුද?

එ.ජා.ප පාර්ලිමේන්තු මන්ත්‍රි ලක්ෂ්මන් කිරිඇල්ල මහතා පසුගිය මාර්තු 11 වන දින පවසා සිටියේ අගමැති දි.මු. ජයරත්න මහතා තම පදවියෙන් ඉල්ලා අස්විය යුතු බවයි. මෙයට හේතුව එතුමා තමිල්නාඩුවේ ත්‍රස්තවාදීන් පුහුණු කරන කඳවුරු ඇතැයි පවසා පාර්ලිමේන්තුව නොමග යැවීමයි. මේ ප්‍රකාශය වැරදිනම් එතුමා ඉල්ලා අස්විය යුතු බව අපගේද හැඟීමයි. නමුත් ලක්ෂ්මන් කිරිඇල්ල මහතා ප්‍රමුඛ එක්සත් ජාතික පක්ෂය ට එවැනි ප්‍රකාශයක් කිරීමට අයිතියක් ඇද්ද?

අතීතයේදී මෙලෙස පාර්ලිමේන්තුව නොමග යැවීමෙන් වාර්තා තබා ඇත්තේ  වර්ථමාන රජය පමණක් නොවේ. යුද්ධය පවතින අවස්ථාවේ හමුදාව අලිමංකඩ යනවා යයි කියා පාමංකඩ යන බව කියා පාර්ලිමේන්තුව නොමග යැව්වේ කව්දැයි අපි දනිමු. කොටි සමග ගිවිසුමක් මහින්ද රාජපක්ෂ ජනාධිපතිතුමාට ඇතැයි කියමින් පාර්ලිමේන්තුව නොමග යැව්වේ කව්දැයි අපි දනිමු. ඕනෑම ගොනෙකුට යුද්ධ කළ හැකියයි කියා පාර්ලිමේන්තුව පමණක් නොව මුළු මහත් රණවිරුවන්ටම අපහාස කළේ කව්දැයි අපි හොඳින්ම දනිමු.

නායකත්වයේ අර්බුදයෙන් අසරණ වී ඇති එක්සත් ජාතික පක්ෂයට සටන් පාඨ නොමැති අතර, ජනාධිපතිතුමා පින් තකා අගමැති කම ලබාදුන් නහින දෙහින කාළේ සිටින අපගේ අගමැතිතුමාට විශ්වාස භංග ගෙන ඒමෙන් හෝ මිනිසුන් අතර ජනප්‍රිය වීමේ බොළඳ උත්සාහයක ඔවුන් යෙදී ඇත.

මම සහ මගේ අරමුණ….

මීට ටික කාලයකට ඉහත මා මේ ආකාරයට බ්ලොග් අවකාශයක් ආරම්භ කළත් විවිධ වැඩකටයුතු නිසා එය මගහැරී ගියේය. නමුත් පසුකාලීනව එම සියලු වැඩ කටයුතු සමථයකට පත්වීමත් සමග නැවතත් මේ ආකාරයට එය ආරම්භ කිරීමට මා කැපවීමට සිතා ගතිමි. නවතම නමකින් මෙය නැවත ආරම්භ කළත් මගේ අරමුණ මීට ඉහත වූ අරමුණම බව දැන්වීමටද කැමැත්තෙමි.


මා මේ සටහන තබන්නේ මා ගැන විස්තර ඉදිරිපත් කිරීමෙන් ඔබ ට මෙය කියවීම එපා කරවීමට නොව මා මෙවැනි බ්ලොග් අඩවියක් ආරම්හ කරන්නට පෙළඹුණු හේතුව පැහැදිලි කිරීමට මීටත් වඩා සාර්ථක ක්‍රමයක් මසිතට නොඑන බැවිනි.


පලමුවෙන් ම කිව යුතු වන්නේ මා බොහෝ අවස්ථාවල සම්මතයන් ට අභියෝග කරන සහ හැකි සෑම විටම ඒවාට විරුද්ධව යන බවයි. ප්‍රසිද්ධියේ නිරුවතින් සිටීම හෝ මාර්ගයේ දකුණු පසින් වාහන ධාවනය කිරීම වැනි දේ මා කරන බව ඉන් අදහස් නොකෙරේ, නමුත් බොහෝ අවස්ථාවල බොහෝ දෙනා කරන පරිදි ප්‍රශ්ණ කිරීමකින් තොරව විවිධ දේ පිළිගැනීමට සිත මට ඉඩ නොදේ. එය බොහෝ විට මට පුරුදු වී ඇත්තේ මාගේ පියාගෙනි. ඔහු සෑම විටම සත්‍යය පිළිගත්තා මිස අනෙකුන් කරන නිසා අන්ධානුකරණයෙන් පිළිගැනීමට නොපෙළඹුනු අයෙකි.

උපතින් මා බෞද්ධයෙක් යැයි වරක් මගේ මව කීවා මට මතකය. නමුත් ඉන් ඔබ්බට කිසිම දිනෙක මා ඒ ගැන සිතා නැත. පාසලේදී සාමාන්‍ය පෙල විභාගය සමත් විය යුතු නිසා ම බුද්ධ ධර්මය ඉගෙන ගත්තා මිස කිසි දිනෙක මා බුද්ධාගමේ යයි පැවසීම ට මා කැමති නැත.

ක්‍රමයෙන් වයසෙන් වැඩෙත්ම මා සියලුම ආගම් පිළිබඳව හොඳින් අධ්‍යයනයක යෙදුනු අතර අවසානයේ ඒ සියලුම ආගම් පිළිබඳ විශ්වාසයන්ගෙන් තොර පුද්ගලයෙකු බවට පත්වීමි.


නමුත් බුද්ධ ධර්මය ගැන මට වෙනස් ආකාරයේ මතයක් ඇත. එය කිසි විටෙකත් ආගමක් ලෙස මා විශ්වාස නොකරමි. එය දර්ශනයකි. ඉතාමත් ප්‍රශස්ථ ආකාරයෙන් අර්ථ දැක්වුනු ජීවන දර්ශනයකි. මෙලොව ජීවිතය සතුටින් සහ ප්‍රශ්න, නොයෙකුත් සිත් රිදීම්, ඊර්ෂ්‍යා කිරීම් වැනි දේ වලින් තොරව සැහැල්ලුවෙන් සහ අර්ථවත් ලෙස ගත කිරීම සඳහා දේශනා කෙරුනු අතිශය මානුෂිය සහ බල කිරීම් වලින් තොර, නොපෙනෙන දෙවියෙකු මත යැපෙනවාට වඩා තමන්වම විශ්වාස කිරීමට මග පෙන්වන දර්ශනයකි.


මා කිසිවිටෙකත් ජීවිතයේ ලබා ගත යුතු දේ ලබාගැනීම සඳහා දෙවියන්ගෙන් හෝ වෙනත් කිසිම ආකාරයක බලවේගයකින් පිහිට ඉල්ලා නැත. කිසිම දිනෙක ආගමික ස්ථානයක ඒ වතාවත් සිදුකර පිහිට පතා නැත. මා විසින් කරන සියලුම දේ සඳහා හෝ මට සිදුවන ඕනෑම කරදරයකදී එවැනි බලවේගයක ක්‍රියා නිසා එවා සිදුවන බව සිතමින් කටයුතු කරද නැත. මට මා ගැන සම්පූර්ණ විශ්වාසයක් ඇති නිසා මගේ ජීවිතයේ ඕනෑම දෙයක් සඳහා තීරණ ගන්නේ මා විසිනි. ඒ නිසා ප්‍රශ්නයක් ඇති වූ විටදී එය මාගේ තීරණයක වැරැද්දක් නිසා වුවක් ලෙස සලකා එය නිවැරදි කිරීම මගේ ක්‍රමයයි. මෙය අහම්බයෙන් ඇති වූ හැගීමක් නොවේ. කුඩා කල සිටම මාගේ පියා ගේ ජීවන දර්ශනය දැකීමෙන් ඇති වූ හැගීමකි.

ඒ මම ගැන හැඳින්වීමයි…..


දැන් මාගේ අරමුණ ගැන….

පලමුවෙන් ම සඳහන් කළ යුත්තේ මෙය හුදෙක් පුද්ගලික එදිනෙදා තොරතුරු සටහන් කිරීමට යොදා ගැනීමට මාගේ අදහසක් නොමැති බවත් ඉන් ඔබ්බට ගිය කාලීන මාතෘකා කිහිපයක් ඔස්සේ සටහන් දිග හැරීමට මා අදහස් කරන බවත්ය. එමෙන් ම ශ්‍රී ලාංකික, සිංහල කතා කරන සහ සිංහල කියවීමට හැකි සියලුම ජනතාව සඳහා මෙය විවෘත කිරීමට මම අදහස් කරමි.


විශේෂයෙන් ම විසි එක් වන සියවසේ ජීවත් වන මිනිස් සමාජය තුල ඔඩු දුවා ඇති අසත්‍ය මතවාද වල සත්්‍ය හෙලි කිරීමේ උත්සාහයක් ද මෙමගින් කෙරෙනු ඇති අතර, ඊට අමතරව කාලීන සමාජ, දේශපාලනික සහ ආර්ථික කරුණූද මෙහි සටහන් කිරීම මාගේ අදහසයි.


“කාලාමයිනි, තොප විසින් සැක කරන්ට නිසිමයි; විචිකිච්ජා කරන්ට නිසිමයි. තොපට විචිකිච්ජාව ඇතිවී ඇත්තේ සැක කටයුතු තැනමයි. කාලාමයිනි, ඇසූ පමණින් නොගනු; පරම්පරාවෙන් පැවත ආ නිසා නොගනු; මෙහෙමලු යන දූෂමාන කතා නිසා නොගනු; ධර්මයෙහි සදහන් වූ නිසා නොගනු; තර්කය හේතුවෙන් හෝ න්‍යාය හේතුවෙන් නොගනු; තොප කලින් සිතූ අදහස හා ගැලපුන පමණින් ද නොගනු; පුද්ගලයෙකු පෙන්නුම් කරන සාමාර්තය හේතුවෙන්ද නොගනු; මොහු අපගේ ගුරුය යන හැගීමෙන් ද නොගනු. එහෙත් කාලාමයිනි, මේ දේ අයහපත්ය, ගර්භිතය, අවැඩ පිනිස වන්නේ යැයි යම් විටෙක තොපට වැටහුනහොත් එවිට එය අත්හැර දමනු. එසේම මේ දේ යහපත්ය, වැඩ පිණිස වන්නේ යයි තොපට වැටහුනහොත් එවිට එය පිළිගෙන පිළිපදිනු.”

- ගෞතම බුදුන් වහන්සේ -

ගරු අගමැතිතුමනි, එල්.ටී.ටී.ඊ ය තවමත් පවතිනවාද?

Sri_Lanka_Flag

 

 

 

 

 

 

 

මීට දින කිහිපයකට පෙර අපගේ ගරු අගමැතිතුමා ගේ ප්‍රකාශයකින් කියවුනේ ඉන්දියාවේ ස්ථාන කිහිපයක එල්.ටී.ටී.ඊ පුහුණු කඳවුරු කිහිපයක් තවමත් පවත්වාගෙන යන බවයි. සාමාන්‍ය ප්‍රකාශයකට සීමා නොවී එතුමා මේ බව පාර්ලිමේන්තුවේ පවා ප්‍රකාශ කළ බව කියවුණි. මේ තරම් වැදගත් සහ වගකිවයුතු ප්‍රකාශයක් එතුමා කළ විට මා තුළ යම් තරමක පුදුමයක් හට ගැනුනේ එය සත්‍යයක් විය හැකිද යන්නයි. හේතුව නම් ඉන්දියාව මෙවැනි දෙයකට ඉඩ දීම කෙසේ වෙතත් මෙවැනි දෙයක් තිබුණද එය හෙළි වීම නම් කෙසේ හෝ වලක්වා ගන්නා නිසාය. අගමැතිතුමා එදා මේ කතාව පාර්ලිමේන්තුවේ කිරීමේදී එය අතිශය වගකීමෙන් පැවසූ බව පුවත් පත් කිහිපයකම වාර්ථා කර ඇත.

නමුත් ඊයේ පුවත් වලින් කියවුනේ මේ ප්‍රකාශයන් ඉන්දියාව විසින් ප්‍රතික්ශේප කර තිබෙන බවයි. දැන් අගමැතිතුමා කියන්නේ වෙනමම කතාවකි. එතුමාට අනුව මේ ප්‍රකාශයන් උපුටා ගන්නා ලද්දේ පුවත් පත් දෙකක වූ වාර්ථා දෙකකිනි.

පලමු ප්‍රශ්නය වන්නේ මෙරට කිසිම අයුරකින් අපක්ෂපාතී නොවන පුවත්පත් වලින් ප්‍රකාශ උපුටාගෙන සත්‍ය අසත්‍ය තාව සොයා නොබලා පාර්ලිමේන්තුව වැනි වගකිව යුතු ස්ථානයක ප්‍රකාශ කළ යුතුද යන්නයි.

දෙවැනි ප්‍රශ්නය අගමැතිතුමා වැනි අතිශය වගකිවයුතු පුද්ගලයෙක් මෙවැනි ප්‍රකාශයක් කිරීමෙන් අනතුරුව එහි වැරැද්ද පුවත් පත් වලට පටවා නිදහස් වීමට හැකිද යන්නයි.

පසු වදන………..

එල්.ටී.ටී.ඊ ය යුදමය වශයෙන් පරාජය කළත් සමාජීය වශයෙන් හා දේශපාලනික වශයෙන් ඔවුනගේ ප්‍රශ්න විසඳීම තවමත් ප්‍රාථමික මට්ටමේ පවතින බව මගේ හැඟීමයි. එමනිසා මෙවැනි තැන් පැවතීම පුදුමයට කරුණක් විය නොහැකිය.

මීට ප්‍රථම පැවති සියලුම රජයන් විසින් කරනු ලැබුයේ යුද්ධය නමින් ඡන්ද ලබා ගැනීම හෝ ඒ මගින් තම මඩිය තර කර ගැනීමයි. නමුත් මහින්ද රාජපක්ෂ ජනාධිපති තුමා කළ එක් වැදගත් ක්‍රියාවක් වන්නේ ඔවුන් යුධමය වශයෙන් පරාජයට පත් කිරීමයි. දෙමළ ජනතාවගේ ප්‍රශ්න සහ ප්‍රභාකරන්ගේ යුද්ධය යනු එකක් නොව දෙකකි. ප්‍රභාකරන්ගේ යුද්ධයට ඇති සහ තිබූ හොඳම විසදුම යුද්ධය ම බව මගේ ද විශ්වාසයයි. ජනාධිපතිතුමා ඒ අතින් නියම විසඳුම සොයාගෙන ඇත. නමුත් එතුමා වටා සිටින සමහර සිංහල වර්ගවාදීන්ගේ බලපෑම නිසා දෙමල ජනතාවගේ ප්‍රශ්නයද මේ සමගම විසඳුන බව රජය කරන සමහර වැඩ වලින් පැහැදිලි වේ. මේ පිළිබඳ ජනාධිපතිතුමා ගේ ස්ථාවරය කිසිසේත්ම පැහැදිලි නැත්තේ මේ සිංහල වර්ගවාදීන්ගේ මතය එතුමාගේ මතයන් යටපත් කරමින් ඉස්මතු වන නිසාය.

නමුත් එතුමා කරන සමහර ක්‍රියාවන්ගෙන් මේ ප්‍රශ්නට නිවැරදිව තේරුම් ගෙන ඇති බව පැහැදිලි වේ. නමුත් ඒ සමගම කරන තවත් ක්‍රියාවක් නිසා එය අපැහැදිලි වේ.

මේ සඳහා හොඳම උදාහරණය මෑකතදී ඉදිකරන ලද යාපනය සහ පුනරීන් යා කරමින් ඉදි කරන ලද සංගුපිඩ්ඩි පාලමයි. ඉතිහාසය පුරා රජයන් ගණනාවක් උතුරේ දෙමළ ජනයා නොසලකා හැර ඇති බව පැහැදිලි වන්නේ මේ පාලම ඉදිකිරීම මග හැරීමෙනි. මේ පාලම නිසා මා දන්නා ආකාරයට කිලෝමීටර් සියයකට ආසන්න ප්‍රමාණයක දුරක් ගමන් කළ යුතු වූ ගමන කිලෝ මීටර් හතක් වැනි දුරකින් නිමා කළ හැකි වේ. නමුත් මහින්ද රාජපක්ෂ ජනාධිපතිතුමා මේ සදහා මැදිහත් වී පාලම ඉදිකිරීමට පියවර ගත්තේය.

මා විශ්වාස කරන ආකාරයට දෙමළ ජනතාවට ඉතිහාසය පුරා වූ නොසලකා හැරීම් එකින් එක නැති කිරීම තුලින් මෙවැනි පුහුණු කඳවුරු හෝ වෙනත් එවැනි ත්‍රස්තවාදී ක්‍රියාවන් වලක්වා ගත හැකි බවත් ඒ සඳහා ඇති එකම මඟ එය පමණක්ම බවත්ය.

ආසියාවේ ආශ්චර්්‍යයට යන මග!

Police_0මෙරට  පොලීසිය ප්‍රශ්නයක් දෙස බලන ආකාරය පුදුම සහගතය. තීරණයක් ගැනීමේදී පළමුව එය ක්‍රියාවේ යොදවා දෙවනුව සලකා බලයි. ඉන් පසුව තීරණය වෙනස් කරයි. ජනතාව අන්ද මන්ද වී බලා සිටියි. කුමක් නීති සහගතද, කුමක් නීති විරෝදීදැයි නොදන්නා ජනතාව හිතෙන හිතෙන දේ කරයි. ඊට පසුව පොලිසිය ඔවුන්ව හිරභාරයට ගනී. අවසානයේ නිසි පරිදි නීති සකසා නැති කමින් නඩු නැතිව නිදහස් කරණු ලබයි.
හොඳම උදාරණය කිහිපයක්ම දිය හැකිය!
ක්‍රිකට් ලොක කුසලානය ආරම්භයට පෙර පොලිස්පති මහින්ද බාලසූරිය මහතා මාධය හමුවක් කැඳවා ආඩම්බරයෙන් ප්‍රකාශ කර සිටියේ, ශ්‍රී ලංකාවේ පැවැත්වෙන තරඟ සඳහා ප්‍රේක්ෂකයන් ක්‍රීඩාංගනයට ඇතුලු වීමේදී කොඩි සඳහා මිටවල්, සංගීත භාණ්ඩ, කිසිම ආකාරයක බෝතල්, ප්ලාස්ටික් පුවරු, බැනර්, පෝස්ටර් හෝ මධ‍්‍යසාර රැගෙන ඒම තහනම් බවයි. ක්‍රිකට් තරඟයක් නරබා පුරුදු මෙරට ප්‍රෙක්ෂකයන්ට මෙය අදහාගත නොහැකි විය. මධ්‍යසාර හා සිගරට් තහනම් කිරීම යුක්ති සහගත වුවත් අනෙකුත් ද්‍රව්‍ය නොමැතිව තරඟයක් නරඹන්නේ කෙසේදැයි ඔවුන් කල්පනා කරන්නට විය. සමහරු මෙය පොහොය දින භාවනා වැඩසටහනක් යයි වරදවා වටහාගැනීමටද සූදානම් විය. නමුත් ක්‍රිකට් වලට ආදරය කරන බොහෝ අයගේ බලවත් ඉල්ලීම හා බලකිරීම මත අපේ පොලිස්පතිතුමා මේ සීමාකිරීම් යම් තරමකට ලිහිල් කරගත්තේය. ලී පොලු හැර අනෙකුත් දේ රැගෙන යාමට අවසරය ලැබුණි. බොහෝ ආඩම්බරයෙන් පුවත් පත් සාකච්ඡා පවත්වා ප්‍රකාශ කළ දේ අකුලා ගත්තේය. මේ ප්‍රකාශය කිරීමට කළින් ක්‍රිකට් කීඩාව නරඹන කෙනෙකුගෙන් උපදෙසක් ගත්තානම් මේ අවනම්බුව නොවීටම ඉඩ තිබු බව අපට හැඟේ.
පිටතින් රැගෙන ඒම තහනම් කර තිබූ මධ්‍යසාර වෙනුවට බීර සමාගමක් විසින් ක්‍රීඩාංගනය තුලම ජනතාවට නාන්නට ඇතිවන තුරු බීර විකිණිමෙහි යෙදුනි. මේ තහනම් කිරීමේ අරමුණ ඒ සමාගමට ලාභ ලබාදීමදැයි අපි නොදන්නෙමු. රුපියල් 600-700 පමණ අරක්කු බෝතලයක් ගෙන කිහිප දෙනෙකු එකතු වී පානය තර තරඟය අතරතුර ලබගෙන්නා විනෝදය සඳහා මේ නිසා රුපියල් 1500 වත් වියදම් කිරීමට සිදුවිය.
සිගරට් ගෙන ඒම තහනම් වුවත් පොලිස් පරීක්ෂා කිරීම් වලින් අනතුරුව ඇතුලු වූ ප්‍රෙද්ශයේ කුඩා වෙළඳසැල් වල ඕනෑ තරම් සිගරට් විකිණිමට තිබුණි.
පොලිස්පතිතුමාගේ මාධ්‍ය සාකච්ඡාව විහිලුවක් නොවන්නේද?
දැන් තවත් අලුත් රංගනයක් සිදුවෙමින් පවතී. ඒ වයඹ පලාතෙනි. එහි පොලිස් අධිකාරිවරයෙක් දැන් වයඹ පලාත තුල වයස 18 අඩු දරුවන් ට “ඉන්ටර්නෙට් කැෆේ“ වලට ඇතුලු වීම තහනම් කර ඇත. එසේ අවශ්‍යනම් පාසලේ විදුහල්පතිවරයාගෙන් ලිපියක් අවශ්‍ය වේ. මීට හේතුව බොහෝ දරුවන් ඒ තුළ අසභ්‍ය දර්ශණ නැරඹීම බව ඔහු කියා සිටී. මොනතරම් දූරදර්ශී තීරනයක්ද. විදුහල්පතිතුමාගෙන් ලිපියක් රැගෙන විත් අසභ්‍ය දර්ශණ නොබලන බවට එතුමාට සහතික විය හැකිද. කළ යුතුව තිබුණේ මේ කැෆේ හිමිකරැවන් දැනුවත් කර ඒ තුළ මේ දර්ශන නැරඹීම නැවැත්වීම නොවේද.
මුදල් ඇති දරුවන් ට ඩොංගලයක් මගින් තමන්ගේ ලැප්ටොප් පරිඝනකය මගින් අවශ්‍ය ඕනෑම දෙයක් බලා ගත හැකිය. සාමාන්‍ය පන්තියේ දරුවන්ට දැන් සිදුවන්නේ කුමක්ද? මේ සීමාකරන්නට සැරසෙන්නේ ජනතාවගේ තොරතුරු දැන ගැනීමේ අයිතිය නොවේද? වෙනත් රටවල දරුවන් තාක්ෂණයත් සමග බොහෝ ඉදිරියට ගමන් කිරීමේදී අපේ දරුවන්ට සිදුවන්නේ ලිං මැඩියන් වීමටයි.
ඉන්ටර්නෙට් යනු දැනුම් සම්භාරයකි. ඒ සමගම අනවශ්‍ය ආකාරයේ ළමා මනස දූෂණය කරන ආකාරයේ අන්තර්ගතයන්ද ඒ තුළ ඇත. නමුත් අප කළ යුත්තේ ඉවක් බවක් නැතුව තහනම් කීරීම නොවේ, හොඳ නරක කියා දී දරුවන් ට අවශ්‍ය දේ පමණක් පරිහරණය කිරීටම හුරු කිරීමයි. මනුෂ්‍යා යනු ජීවියෙක් නිසා, ජීවය බාධක මගින් නැවැත්විය නොහැකි නිසාත් කවදා හෝ මේ බාධක බිඳගෙන යන දිනය ඈතක නොවේ!

විශ්වය සහ මිනිසා

මනුෂ්‍යයා යනු විශ්වයේ පවතින අතිශය දුර්ලභ ජීවියෙක් බව කිව හැකිය. මේ පෘතුවිය මතුපිට ජීවින්ගෙන් ද මනුෂ්‍යයා අතිශයින් සුවිශේෂිත වෙයි. මෙයට ප්‍රධාන හේතුව අපගේ අති විශාල ධාරිතාවයකින් යුතු මොලයයි. ඊට අමතරව අත් ඇවිදීමෙන් නිදහස් වීමත් සමග වෙනත් වැඩ කිරීමට ඇති හැකියාව දියුණු වීම නිසා ඒ හා සමගාමීව මොලය දියුණු වීම සිදුවී ඇත. මේ නිසා අනෙකුත් ජීවීන්ට නොලැබී ඇති අතිවිශේෂ හැකියාවක් වන කතා කිරීමේ හැකියාව අප හට ලැබී ඇත. චිම්පන්සින් වැනි ප්‍රයිමේටාවන් කිහිප දෙනෙකුටම මිනිසාගේ තරමටම දියුණු වූ ස්වර ග්‍රන්ථි පිහිටා තිබුනද ඔවුනට කතා කිරීමේ හැකියාව ලැබී නැත්තේ හෝ ලැබී ඇත්නම් අපට සංසන්දනාත්මකව නොසැලකිය හැකි වන්නේ ඔවුන්ගේ මොලය දියුණු වී නැති නිසාය. පරිණාමය සිදුවීමේදී අනෙකුත් ජීවීන්ට සාපේක්ෂව මිනිසාගේ පරිණාමය අතිශය වේගයෙන් සිදුවී ඇත. මේ හේතුව නිසා අපගේ සියලුම ක්‍රියාවන් වල දියුණුවක් ඇති වී ඇත.

මේ සියලු කරුණු සලකා බැලුව ද අප අමතක නොකළ යුතු කරුණක් වන්නේ මිනිසා යනු ස්වභාවධර්මයේ නිපැයුමක් බවත්, සියලු ජීවීන්ට පොදු සාධක මිනිසාටද පොදු බවයි. ජීවියෙකුගේ ප්‍රධාන කාර්යයභාරය වනුයේ ජීවය පවත්වා ගැනීම සහ ප්‍රජනනයයි. ශිෂ්ඨාචාරයේ කඩතුරාවෙන් වැසී තිබුණද මිනිසාගේ ද ප්‍රධානම කාර්යය වන්නේ ඉහත කී කරුණුයි.

නමුත් බුද්ධිය මෙහෙයවා කටයුතු කළ හැකි නිසා අන් සියලුම ජීවීන්ට වඩා ඉහළ තත්ත්වයක් අපට ලැබී ඇත. මේ නිසා ඉහත කී ප්‍රධාන කරුණු වලට අමතරව බොහෝ ක්‍රියාවන් මගින් ජීවන තත්ත්වය උසස් කර ගැනීමට අපට හැති වී ඇත.

මොළය දියුණූ වීමත්, බුද්ධිය පරිණාමය වීමත් සමඟ මිනිසුන් අතර ඇති සියලු උස් මිටි කම් දුරලා, ජාති ආගම් හෝ කුළ වශයෙන් බෙදීම අවම කළ යුතු වුවත් ඒ සියලු දේ උග්‍ර වී ඇති බව දකින්නේ කණගාටුවෙනි!